تفضل الكثير من النساء تحضير مجموعة من الاقتراحات لوجبات الإفطار والسحور في شهر رمضان المبارك، لذا يبحثن عن مقترحات متنوعة لتحضير جدول اكلات الشهر حتى لا يقعن في حيرة من أمرهن عند حلوله. والحقيقة أن الخيارات كثيرة ومتنوعة لكن ربات البيوت تبحثن عن أكلات سريعة وسهلة التحضير حتى يتفرغن للعابدة والدعاء في شهر الخير والبركات بدلاً من تمضية معظم وقت النهار في المطبخ، لذا نساعدكم من خلال هذا المقال باقتراح جدول اكلات الشهر يحتوي على مجموعة متنوعة من الوجبات سهلة وسريعة التحضير.
جدول اكلات الشهر فتكات
السلام عليكم حبايب
وعدتكوا أنى هنزل جدول ثابت بدل ماتحتاسي كل يوم هتعمل اكل ايه وبصراحه مريحنى يارب اقدر افيدكوا تقدر تغيري ترتيبو على حسب اجازاتكوا وظروف ببيتك
السبت
اى حاجه خفيفه لان بالنسبه لينا السبت نهاية الأسبوع اسبوعنا بيبدا الاحد وبينتهى السبت بعمل اى حاجه خفيفه بيض وجبنه بطاطس محمره جبنه وبطيخ جبنه قديمه يعنى اى اكل موفر وموجود فى البيت
الاحد
بداية الأسبوع بنروح فيه لست الكل حماتى وبنتغدى عندها
الاثنين
سمك ورز وسلطه جرجير بقى وحركاتك
الثلاثاء
رز وخضار وفراخ
الاربعاء
رز ونفس خضار اليوم السابق وملوخيه او شوربه لسان عصفور بس من غير فراخ
الخميس
مسقعه أو عدس أو كشرى عدس اصفر أو عدس بجبه
الجمعه
اى صوانى بقى بشاميل رقاق جلاش باللحمه مفرومه او بالسجق أو حواوشي او كفته ومكرونه أو بانيه لو كبد وقوانص او لحمه ببصله
وهكذا كل اسبوع وميزتو انك هتنزل مره كل اسبوع تجيبى طلباتك كلها بالاسبوع أو بالاسبوعين أو حتى بالشهر كمان هو
جدول مريح وموفر وشامل لحمه وفراخ وسمك وخضار يعنى قدرتى توفرى كل الغذا لولادك وبأسعار تناسبك وبطريقه تريحك بدل ماتحتاسي كل يوم هعمل ايه
جدول اكلات الشهر 2020
جدول شهر للاكلات,وفرى وقتك فى اختيار اكلاتك
( اليوم الاول )
*************
أرز بالشعرية + طاجن بسلة باللحمة + سلطة + مخلل
( اليوم الثاتى )
*************
صنية مسقعة بالبشاميل + عيش + مخلل
ممكن الاكلة دي تكفى يومين علي حسب عدد افراد الاسرة
ولو مش بتحبوا تاكلو نفس الاكل ورا بعض
يبقى الباقى يتشال في علبة في الفريزر ونطلعة يوم تاني
( اليوم الثالث):
************
كشرى مصرى + مخلل
او تعملى جمبه كبد وقوانص فراخ تكونى فرماهم في الكبة
وتشوحيهم ببصل طبعا القوانص والكبد دي
بتبقي محوشاهم من الفراخ اللي بتشتريها
( اليوم الرابع )
**************
كفتة فراخ + مكرونة + سلطة
كفتة الفراخ موفرة جدا وبترمى عدد كتير وبرضة
علي حسب عدد افراد الاسرة
يعنى لو انتة اتنين ممكن يكفيكوا صدر واحد ولو اكتر من 2 يبقى صدرين اوتلاتة
هيغرقوا الدنيا ومعاهم طبعا بطاطس مبشورة وبصل وخضرة كل دة بيضاعف الكمية
والباقى شيلية فى الفريزر ممكن تاكلوة يوم تانى
وبلاش تشترى بانية جاهز هاتى الفراخ واخليها في البيت احسن بكتير واوفر كمان
( اليوم الخامس )
**************
أرز بالبشاميل + سلطة
صدر فرخة واحدة وتقطعية حتت صغيرة
وتشوحيها مع بصل وفلفل اخضر وطماطم وفصين توم
وتوابلك المفضلة
وتعملي ارز ابيض وبعدين تجيبى الصنية تحطى راق ارز وبعدين الفراخ
وبعدين باقى الارز وبعدين البشاميل بنص كيلو لبن
ممكن تاكلوها علي يومين الاكلة دي تحفة وموفرة جدا يابنات بجد
( اليوم السادس )
**************
عدس + ارز + بصل في ماية وخل وليمون عيش
( اليوم السابع )
*************
بطاطس بيورية + بابا غنوج + شكشوكة + عيش وسلطة
( اليوم الثامن )
**************
مكرونة محمرة + اجنحة فراخ محمرة بالبقسماط + سلطة + بتنجان مخلل
الاجنحة لو مش محوشاها عندك من الفراخ اللى بتشتريها
يبقى هاتى طبق اجنحة هيغرقوكى اديها نص غلوة
وبعدى طلعيها تبرد شوية وتبليها بماية بصل وعصير طماطم وخل وليمون وتوابل
ساعة كده وبعدين اعمليها بدقيق وبعدين ماية ساقعة
وبعدين دقيق تانى وممكن دقيق وبيض وبقسماط زي ماتحبي يعني
( اليوم التاسع )
*************
حواوشى + سلطة + مخلل
( اليوم العاشر )
**************
كفته ارز + ارز + مخلل
حتحتاجى نص كيلو لحمة مفرومة
نص ارز وبصل مفروم وخضرة وتوم وتوابل الاكلة دي تكفيكي يومين
ولو انتو عددكم مش كتير ممكن تقعد 3 ايام
طبعيها واقليها وقسميها وشيليها في الفريزر علي حسب عددكم موفرة جدا يابنات
( اليوم الحادى عشر )
*******************
سمك بانية + ارز + سلطة طحينة وسلطة خضرا
السمك الفيلية يابتات رخيص الكيلوا ممكن يعملك اكتر من صنف وب 12ج
( اليوم الثانى عشر )
******************
بيتزا بالخضروات او بالسجق او اللحمة المفرومة
نص كيلو لحمة مفرومة او سجق هيعملولك 3 بيتزات ممكن يكفوكي يومين
( اليوم الثالث عشر )
******************
عجة بالارز + بطاطس محمرة + طماطم مخللة
( اليوم الرابع عشر )
*****************
مكرونة بيتزا + سلطة
( اليوم الخامس عشر )
*********************
قرنبيط + سلطة + مخلل + عيش
( اليوم السادس عشر )
******************
جلاش باللحمة المفرومة + بطاطس محمرة
صنية الجلاش دي ممكن تعمليها بربع لحمة مفرومة
وممكن بكبد وقوانص فراخ مفرومة بتبقى وهم وحطى معاها جزر مبشور
( اليوم السابع عشر )
******************
ارز بالبيض + سلطه + مخلل
( اليوم الثامن عشر )
*****************
محشى كرنب + فراخ + ملوخية
( اليوم التاسع عشر )
*******************
رنجة + بطاطس محمرة
ممكن تعملي الرنجة بالطماطم والفلفل الاخضر بتبقى تحفة
( اليوم العشرون )
*****************
كوسة بالشاميل + سلطة
حنحتاج ربع لحمة مفرومة ونص لبن
( اليوم الحادى والعشرون )
***********************
ارز بالبسلة والجزر + فراخ بانية شرايح + بطاطس محمرة
حنقطع الفراخ بانية شرايح بالطول كدة بتدى عدد اكتر
( اليوم الثانى والعشرون )
***********************
سمك فيش فينجر + ارز صيادية + سلطة
السمك الفيلية بيتقطع شرايح بالطول
وبعدين تعملليلة تتبيلة عصير بصل وعصير طماطم وخل وليمون وتوابل سمك
وبعدين تحطية في دقيق وبعدين بيض وبعدين بقسماط بالسمسم ده بقى واااااو
زي ما قولنا السمك مش غالي الكيلو ب12ج
وبيعمل اكتر من اكلة هو دة نفس الكيلو اللي عملنا منة البانية اللى فى اليوم الحادى عشر
( اليوم الثالث والعشرون )
**********************
بصارة + عيش + مخلل
( اليوم الرابع والعشرون )
**************************
مسقعة بالخل والتوم + بطاطس محمرة
( اليوم الخامس والعشرون )
**************************
مكرونة بالصلصة + بيض مسلوق ومحمر + سلطة
( اليوم السادس والعشرون )
**********************
كبسة + فراخ+ سلطة
ومتقوليش دي مش موفرة لا الارز البسمتى بيزيد جدا في السوا
وبعدين احنا مش هنقضيها شعبيات على طول
هههههههههههههههههههههههههههه
( اليوم السابع والعشرون )
**********************
شاورما فراخ + عيش + سلطة
قطعى بصل كتير وطماطم وفلفل عشان الكمية تزيد
وتوابلك المفضلة الاكلة دى بترمى كمية كبيرة
هنحتاج صدر فرخة متقطع رفيع
( اليوم الثامن والعشرون )
**************************
شيش سمك + ارز + سلطة طحينة
برضة سمك بانيه يابنات الكيلو مش غالى نص كيلو حيظبطك
( اليوم التاسع والعشرون )
**********************
كشرى اصفر + مخلل
( اليوم الثلاثون )
****************
ارز + ملوخية + لحمة
يالا بدأتها لحمه وختمتها لحمة
جدول اكلات الشهر بالميزانيه 2018
اللحوم :
كيلو لحمة قطع تتقسم على طبقين و هتكفي يومين ( 55 جنيه ) و ممكن نعمل منها وصفتين مختلفين
2 كيلو لحمة مفرومة يتقسم على نصين و اربع ارباع و هيكفي من 5 – 6 أيام ( 110 جنيه ) ممكن نعمل منها وصفات مختلفة زي المكرونة البشاميل و الرقاق أو الكفتة
كيلو كبدة يتقسم على نصين وهتكفي يومين ( 55 جنيه )
– الفراخ :
3 دجاجات في الشهر هتكفي 5 أيام ( 110 جنيه ) , و ممكن يتعمل منها وصفات كتير زي فراخ مسلوقة او مشوية و ممكن كمان نعمل منها شوربة او بانيه من الصدور و صينية بطاطس من الاوراك و كمان هنستخدم الكبد والقوانص في وصفات تانية لذيذة
– الأسماك :
كيلو سمك فيليه ( 25 جنيه )
كيلو و نص سمك ماكريل ( 20 جنيه )
كيلو و نص سمك بلطي ( 20 جنيه )
– البقالة :
4 كيلو سكر ( 28 جنيه )
2 كرتونة بيض ( 50 جنيه )
كرتونة لبن أكياس ( من 60 الى 65 جنيه )
8 أكياس مكرونة ( 30 جنيه ) منهم كيس شعرية و كيس لسان عصفور و هتكفي 6 مرات في الشهر
علبة سمنة ( 30 جنيه )
4 زجاجات زيت ( 50 جنيه )
5 كيلو أرز ( 30 جنيه )
4 كيلو دقيق ( 25 جنيه )
كيلو و نص جبنة بيضاء ( 20 جنيه )
ربع كيلو شاي او نص حسب الاحتياج ( 12.5 جنيه )
ملح و توابل ( 25 جنيه )
– الخضار :
5 كيلو طماطم ( 15 جنيه ) , تتعصر و نعمل منها صلصة و تتخزن
5 كيلو بطاطس ( 20 جنيه )
5 كيلو بصل ( 12 جنيه )
-البقوليات :
كيلو فول و يدمس للفطار أو العشاء ( 14 جنيه )
كيلو عدس ( 22 جنيه )
ربع كيلو فاصوليا بيضاء وهتكفي مرتين ( 5.5 جنيه )
نص كيلو قمح بليلة ( 3.5 جنيه )
نص كيلو عدس بجبة
نص كيلو فول مدشوش ( 6 جنيه ) و ممكن نستخدمه في الطعمية أو البصارة
و بكده هتوفروا و تكفوا احتياجات البيت شهر بشهر , ده غير طبعا ان كل شهر ممكن نجدد في انواع البقوليات و السمك و كمان اللحوم
جدول اكلات الاسبوع
الجمعة: لحمة او فراخ
السبت: الأكل اللى باقى من الجمعة أو أى بواقى أكل عندى
الأحد: سمك
الاثنين: لحمة أو فراخ
الثلاثاء: أكلة منوعة
الأربعاء: سمك
الخميس: عيش
فـراخ
فراخ صينية -محمرة -بانيه -شيش طاووق- شاورما -فراخ بالثوم -كفتة فراخ
لحمة فى صينية بطاطس- لحمة وأى خضار (بامية -بسلة -كوسة -لوبيا-فاصوليا…..)
-لحمة وبصل وطماطم فى الفرن بقول عليها كـوسـتيليتا -بفتيك
لحمة بيكاتا اى طريقة لحمة يعنى
طبعا ممكن بدل اللحمة والفراخ يبقى سمان او أرانب
جدول أكلات الاسبوع.. مش هتحتارى تطبخى ايه بعد كده
انا بطلع اى خضار فايض عندى او فراخ او لحمة لانى مش برمى حاجة بعين كله فى الفريز
ولو مفيش فراخ او لحمة بسلق بيض جنب الخضار
سمــك
مشوى -مقلى-فيليه مقلى -فيليه صينية -سمك صينية -سمك صيادية _سمك سنجارى مع بطاطس…
جمبرى صينية _جمبرى كفتة او بالصلصة _جمبرى مسلوق جكبرى مدفون فى الرز
كفتة _مكرونة وكبدة _ مسقعة باللحمة المفرومة _مكرونة بشاميل باللحمة او الفراخ
مكرونة اسباجتى وعليها صلصة باللحمة المفرومة
رز وبطاطس محمرة وبيض مسلوق ومعهم سلطة
رز بالكبد والقوانص _ بشاميل بالكبد والقوانص _محشى
بطاطس بالكبد والقوانص كان فى فتوكة عملاها هنا حلوة اوى
أى أكلة لقيتيها فى فتكات وعجبتك وعايزة تجربيها وهكذا يعنى
انا فعلا استفدت من قسم الطبخ هنا اوى وعملت منه اكلات حلوة
عيش وباذنجان مقلى وبابا غنوج وبطاطس محمرة
عيش وتونة ومخلل
عيش وسوسيس مسلوق
انا بجيب السوسيس واسلقه مع طماطم وزتون وكاتشب ومعلقة صلصة وبصلة ترانشات
وسيبهم على النار شوية بيطلع تحفة
وممكن تستبدلى السوسيس باى حاجة تانية وتعمليه بنفس الطريقة
عيش وبطاطس محمرة وبيض وسلطة طحينة وسلطة خضراء
جدول اكلات شهر اكتوبر
السبت والاحد : باميه + رز + لحمه + سلطه
الاثنين : كفته مشويه + مكرونه + سلطه
الثلاثاء : بيتزا الجلاش + بطاطس شيبسى
الاربعاء: صينيه سمك فى الفرن + رز + سلطه
الخميس : كوسه وبذنجان + فراخ + شوربه
الجمعه : كشرى
السبت والاحد : صنف خضار + لحمه + رز + سلطه
الاثنين : كبده بالرده + مكرونه + سلطه
الثلاثاء : بيض شكشوكه + بذنجان مقلى + بطاطس محمره
الاربعاء: سمك بلطى مقلى + رز + سلطه
الخميس : صينيه مكرونه بالباشميل + سلطه
الجمعه : شوربه عدس
السبت والاحد : صينيه بطاطس بالفراخ فى الفرن + رز + سلطه
الاثنين : مسقعه باللحمه المفرومه + سلطه
الثلاثاء : كفته بطاطس + رز + سلطه
الاربعاء : كشرى اصفر + بيض
الخميس : محشى كرنب + فراخ + شوربه
الجمعه : رز بالجمبرى + سلطه
السبت والاحد : بسله او قلقاس + لحمه +رز + سلطه
الاثنين : كبد وقوانص + مكرونه + سلطه
الثلاثاء : فول بالبيض + بطاطس بيوريه
الاربعاء: بيتزا
الخميس : صينيه بطاطس بالكفته + رز + سلطه
الجمعه : سمك صينيه + رز + سلطه
اكلات موفرة لآخر الشهر
- قرنبيط مطبوخ …
- كفتة تونة …
- مكرونة بالفلفل المشوي …
- بطاطس بانيه …
- بيتزا الباذنجان …
- أرز بالكبد والقوانص …
- طاجن فريك بالخضار …
- عجة كوسة
